Naaresto ng mga otoridad ang isang college student sa lungsod ng San Carlos matapos isagawa ang matagumpay na operasyon kontra iligal na droga sa Brgy. Mamarlao sa nasabing ciudad.
Kinilala ang suspek na si Jerome Ramos o mas kilala sa tawag na ‘Senior Mabalasik,’ 23 anyos at residente ng Brgy. Agdao sa nabanggit na siyudad.
Ang pagkakaaresto nito ay bunsod ng operasyon kung saan positibo itong nahuli sa akto ng pagbebenta ng pinaghihinalaang pinatuyong dahon ng marijuana with seeds at fruiting tops sa operatiba ng pulisya na nagpanggap bilang poseur buyer.
Nakumpiska rin mula sa kanyang pangangalaga ang 1 piraso ng plastic sachet na naglalaman ng pinaghihinalaang pinatuyong dahon Ng marijuana na mayroong mga buto at fruiting tops, 2 plastic sachet na naglalaman ng hinihinalang shabu na nakabalot sa foil, 500 piso, sigarilyo at isang tubo na naglalaman ng pinaghihinalaang pinatuyong dahon ng marijuana na mayroOng mga buto at fruiting tops.
