Lalaki arestado matapos mahulian ng P2.1 milyon halaga ng shabu

Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang isang lalaki matapos mahulihan ng P2.1 milyong halaga ng shabu sa Mabalacat City, Pampanga.

Nahuli ang suspek na si Johaiver Hadjiamen, 39-anyos, sa ikinasang buy-bust operation sa harap ng isang grocery store sa Barangay Dau.

Nakuha sa suspek ang malaking plastic package at 13 maliliit na pakete ng shabu na nagkakahalaga ng P2.1 milyon.

Napag-alaman na lumipat ng tirahan si Hadjiamen o kilala rin bilang Dacula sa Barangay Balibago sa Angeles City.