Unkekerew na hustisya iray pamilya na sakey ya OFW ya taga Mangaldan, Pangasinan ya pinatey diad Saudi Arabia tan inekelan ni na aray mata tan laman loob.
Agga naaksubi na say pamilya to so agawa ed 39 anyos ya si Limuel Lansangan, OFW diad Saudi Arabia tan residente na barangay Anolid, Mangaldan, Pangasinan.
Sinmabi la so bangkay tonya diad abong dad Mangaldan, Pangasinan nen Abril 3.
Akabatan ya December 8, 2018 nen pinatey so biktima na aga kabat ya suspek diad Saudi Arabia.
Masyado so inpanpairap diad biktima ta inekelan ni iya na aray mata tan laman loob.
Dakel met so larag na tod laman ya senyales ya grabe so inpan pairap dad sikato antes ya pinatey.
Pitoran taon ya nantrabaho iya bilang day care diad Saudi Arabia.
Kekerewen na pamilya Lansangan ed kinen president Rodrigo Duterte ya tulongan iran nagamuran so hustisya tan naantaan no siopa so responsable ed inpanpatey ed say biktima.
