DAGUPAN CITY– Patuloy so idadakel na bilang na aray suspected cases lapud sakit ya measles o tigdas diad ciudad na Dagupan.
Onong ed kinen City Health Officer Dra. Ophelia Rivera, diad impituyaw na Bombo Radyo, base ed say record da manlapud duwamplo tan limam suspected cases inmabot la natan ed 43.
Manlapu nen Enero anggad sayan bolan, 12 so kumpirmadon kaso bangbalet anggapo met ni nikurit ya inatey lapud sayan sakit diad ciudad.
--Ads--
Impalapag nen Rivera, basta walay sintomas na petang, rashes, ukok tan panateng, untan met say conjunctivitis say sakey ya too so awtomatiko dan ipipila ed saray suspected cases kabansag tonya so alaan ira na specimen piyan nakumpirma no sikara so walay measles case.
