DAGUPAN CITY-Manidia so AFP Northern Luzon Command (NOLCOM) ya parehon anggapoy pidumaan so grupon ‘ajang-ajang’ ed ‘maute group’.
Onong ed kinen Major Erickson Bulosan,say spokesperson na AFP Northern Luzon Command (NOLCOM), say abitlan grupo so parehon delikado kanyan malet so panbantay tan panmonitor so nakaokolan ya gawaen na aray otoridad.
Say ajang ajang et aray ekstremismo ya binenegan so pananisia tan pananampalataya piyan mangibuyak na gulo.
Pareho iyan grupo na Maute ya pikabiangan na pigaran dayuan ya gumigiyera.
Nilirad saya, impasiguro nen Bulosan ya akaalerto so hanay da tan mas ineletan da ni target-hardening tan intelligence-gathering operation diad saray hurisdiksiyon da piyan nasiguron agga makapangilunsad na opensiba iray extremist group kontrad saray otoridad.
