DAGUPAN CITY– Dake-rake so miaambegyan Dagupeno ed impatey na sakey ya ipapasen ya ama na ciudad ya si Datin Mayor Benjamin Saplan Lim kasumpalan ya umpatey lapud pneumonia ed edad ya 66.
Say datin Mayor so brainchild ng bangus Festival ya akabat aliwa laban diad Pilipinas no ingen anggad arum ya bansa.
Nen May 2013 election atalo ya nen tinmagam yan mayor tan nilabanan to si Dagupan City Mayor Belen Fernandez.
Akaawat iya na Most Outstanding Mayor World EVP tan JCI Philippines national president tan bilang Duty Free Philippines general manager diad silong na Ramos presidency.
No nanonotan, pantotongtongan nen saman ya diad mismon oras na bilangan nen samay eleksyon, tinmayak so balitan inatey si Lim lapud stroke balet saya so imburi na pamilya tan kakaaro to.
Ibabagan akaranas so datin opisyal na hypothalamic bleed o Stroke.
Ginawaan iya na ventriculostomy, ya sakey ya surgical procedure ya gagaween diad abot na cerebral ventricle piyan naekal so wadman ya danum.
