DAGUPAN CITY– Inatey so caretaker na lider na sakey ya gun for hire group kasumpalan ya paltogen diad baley na Umingan, Pangasinan.
KInabat so biktima ya si Juanito Molina, kwarentay kwatro anyos, residente na Barangay Abot Molina ed abitlan baley.
Diad imbestigasyon na saray otoridad, agawa so insidente diad Barangay Bantug ed baley na Umingan no iner legan ya akalugan so biktima diad say motorsiklo to ya niluganan met na sakey ya May Basa, kwarentay kwatro anyos, residente met ed abitlan lugar nen bigla labat pinapaltog na aray agga kabat ya lalaki ya untotombok diad sikara.
Naknay balay paltog so nanduruman parte na laman na biktima ya sengegan na tampol ton impatey.
Tuloy met nin mangagawa na kaaaruman ya imbestigasyon iray otoridad piyan naantaan so pikakabat na aray suspek.
Si Molina so ibabagan caretaker nen Loida Gonzales ya lider ng datin gun for hire group ya man-ooperare diad Eastern Pangasinan.
