DAGUPAN CITY– Kabat la na San Carlos City PNP so suspek ed duwaran naikurit ya kaso na indiscriminate firing diad luyag na Pangasinan diad kapegleyan na impangabet na balon taon.
Immunad saya, sugatan so sakey ya 63 anyos ya si Rodolfo de Guzman kasumpalan ya nakenay ligaw ya bala legan ya walad paway na abong da.
Say sakey nin stray bullet incident so nikurit diad baley na Basista no iner akena diad kawanan ya bikking na say biktima ya kinabat ya si Jose Marie Baniqued, 29 anyos.
Onong ed pulisya, wala la so lead da no siopa so walad beneg na inpanpaltog tan say suspek ya agda ni pinangaranan so subject na search and warrant operation.
Kaleganan tonya, patuloy nin aantaen na saray otoridad no walay koneksyon na say abitlan duwaran insidente na indiscriminate firing ya nikurit diad probinsya nen inabet so 2019.
