DAGUPAN CITY-Imporek na Kapisanan ng mga Brodkaster ng Pilipinas o KBP Pangasinan Chapter ya aliwan amin ya media so bugok lapud manisia ed amin ya ibabaga nen presidente Rodrigo Duterte.
Immuna ed saya, tinawag ya “bugok” nen Duterte so media kasumpalan ya manisia irad imbaga tonyan saya so manuusar na marijuana.
Diad eksklusibon impituyaw na Bombo Radyo Dagupan ed kinen KBP Pangasinan Chapter President Mark Espinosa, imbaga ton bilang sakey ya managpalapag walay basian no akin papanisiaan ya tampol so imbaga nen Duterte.
Sanagkaunaanm saya so presidente na bansa kanyan antokaman ya ibaga to so importante tan walay impact ed liderato to.
Imporek ton anggapoy nepeg ya pansisiblangan diad baetan na saray managpalapag tan nawalaan na self reflection no akin umpapaway so unyan palapag na presidente diad media.
