DAGUPAN CITY- Pan-aaralan na kampoy Espino so gaween dan legal options kontra ed si Sangguniang panlalawigan board member Raul Sison kasumpalan na anggapoy basean ya akusasyon kontra ed sikara nilirad adeskubren pagawaan na peken sigarilyo diad barangay Portic , Bugallon.
Onong ed kinen dating Pangasinan governor Amado Espino, akatarya ran suportaan so gaween ya imbestigaasyon piyan unpaway so katuwaaan tan manbayar so akankasalanan.
Imporek na datin gobernador ya election season la kanyan wala lamet iray isyu ed sikara ya anggapoy balidong basehan.
Immuna ed saya, impalapag nen Pangasinan second district board member Raul Sison ya labay toyan naimbestigaan tan naaksyunan so adiskobren pagawaan na peken sigarilyo diad Brgy. Portic ed baley na Bugallon.
Nanpaway met iya na sakit na linawa kasumpalan ya nabasa tonya ed sakey ya dyaryo o balita tungkol ed sakey ya factory o pagawaan na pekeng sigarilyo ya man-ooperate diad baley na Bugallon.
Onong ed si Sison, agtonya agustuan so impakasulat na istorya ta ibabaga dad man ya say abitlan pagawaan so akaletneg diad asingger ed abong na sakey ya untatagam ya congressman,.
Inkuwanton, saya so tampal ed sikato lautla anta na saray totoo ya unkakandidato iyan congressman diad kumaduwan distrito.
