DAGUPAN CITY-Inatey so sakey ya laki legan ya talora so asugatan diad banggaan na taloran motorsiklo diad baley na Binalonan, Pangasinan.
Kinabat so inatey ya si Klenztone Reff Fernandez, bente nuwebe anyos, residente na Barangay Lasip diad baley na Calasiao, legan ya saray asugatan so kinabat ya sikara di Elvis Cablayan, trentay tres anyos, residente met ed baley na Calasiao, Analiza Ungray tan Jelian Pascual, parehon walad suston edad tan manaayam ira diad Barangay Guiset Norte, San Manuel.
Onong ed imbestigasyon na saray otoridad, say insidente so agawa diad Barangay Capas, baley na Binalonan no iner say motorsiklo ya imamaneho nen Fernandez ya niluganan nen Cablayan,so binmangga diad motorsiklo ya imamaneho nenUngray, ya niluganan met nen Pascual.
Lapud kasil na banggaan, binmantak so apatira diad kalsada tan kaleganan ya unman iran posisyon, dinmalan so sakey met ya motorsiklo ya mamanihuen nen Primitivo Collado, singkuwentay sais anyos, residente na Barangay San Roque, San Manuel, tan atalapos tonya si Fernandez.
Kayari na insidente, tampol ya tinmakas si Collado tan sikatoy aanapen la natan na saray otoridad.
Kayari na insidente, tampol ya tinmakas si Collado tan sikatoy aanapen la natan na saray otoridad.
