DAGUPAN CITY– Nantogyop na special investigation task group so Alcala PNP ya untotok ed inpanpatey ed kinen Brgy Kagawad Mario Callejo, ama nen Alcala Mayor Jojo B. Callejo diad Alcala, Pangasinan.
Diad impituyaw na Bombo Radyo Dagupan ed kinen Police Chief Inspector Ferdinand Lopez, hepe na Alcala PNP, impalapag ton mangagawa ran a malet ya imbistigasyon piyan naantaan tan naresolba so insidente na impamaaltpg ed say biktima.
Diad panamegley na tinibokel ya task group, antaen no walay koneksyon na insidente ed trabaho nen Callejo bilang sakey ya brgy kagawad o walay personal ya kolkolan.
No nanonotan, pinapaltog na saray agga kabat ya suspek so biktima ya si Mario Callejo kaleganan ya akalugan ed luluganan to.
Indeklaran ‘dead on arrival’ diad ospital so abitlan baranggay kagawad lapud saray kenay bala diad nanduruman parte na laman to.
