DAGUPAN CITY– Aliwan imposible ya walay naekal met ya chief of police manlapud luyag na Pangasinan.
Saya so pasakbay nen PNP Regional Director Police Chief Supt Romulo Sapitula kayari na ginawan impangekal diad puwesto na saray labin talon chief of police ya manlalapud rehiyon uno.
Diad impituyaw na Bombo Radyo Dagupan ed kinen Sapitula, impalapag ton nayarin isublay ya walay naekal ed saray COP’s diad luyag no napaneknekan ya agda gagaween ya maong so trabaho da lautla say kampanya tan kontrad kriminalidad tan iligal ya droga.
Kaleganan tonya, pinayuan nen Sapitula iray chief of Police aliwa labat lan diad luyag no ingen diad interon rehiyon uno ya parakepen so performance da diad panamegley na doble kayod lautla ed say anti-criminality operations piyan naiwasan ya makapipara ira ed saray labin talon COP’s ya aka una lang inekal diad pwesto.
