Dagupan City– Manisia so pigaran Overseas Filipino Workers o OFW diad Singapore ya mas undakep ni so imahe tonya lapud pan-host na tatalaran ya panarap di U.S President Donald Trump tan North Korean Leader Kim Jong Un.
Onong ed kinen Bombo Correspondent Jose Paul Morales tubon Laguna tan kaplesan ya mantratrabaho diad abitlan bansa, positibo yan walay marakep ya epekto ed imahe na Singapore so akagetar ya pantuyaw na duwaran lider ed arapen ya Hunyo 12.
Inkuwanton , iilaluan ya mas undakel iray turistan natangguyor na Singapore government laut la sarayan duwaran lider so parehon masibeg.
Say popularidad nen Trump tan Kim so ibabagan tombok tan dalan piyan mas nakabat lalo so Sinagpore bilang maasenso, walay mauksoy ya panag oley na gobyerno tan walay disiplina na saray totoo.
Kaleganan tonya, impalapag nen Morales ya pigaran empleyadong pinoy so akagetar ya man leave diad trabaho diad mismon agew na pan-arap na duwaran VIPS lapud iilaluan ya ikiwala na malet ya trapiko.
