DAGUPAN CITY– Kasumpalan na pormal ton impawil diad puwesto, impalapag nen Pozorrubio, Mayor Artemio Chan ya prayoridad ton ituloy iray atundaaan ton proyekto.
Onong ed abitlan mayor, manlapu nen saya so asuspindi ed serbisyo so anggapo lay nantuloy na saray proyekto to kanyan pantuunan toy imano natan.
Inkuwanto ya labay ton pansirbian iray residente tan umabaley na Pozzurobio lautla walay sakey taon nin mansirbi bilang mayor na abitlan baley.
Nilinew nen Chan ya saya la so sampot ton termino bilang mayor tan anggapo na so plano ton untagam o unloob lamet diad pulitika.
Kabansag tonya pinasalamatan na mayor iray totoon tinmulong, nansuporta tan manisia ed sikato diad biek na isyun kakaarapen to.
No nanonotan, pinakseban na Ombudsman na suspension order si Chan kayari tonyan igangan so sakey ya too to ya manproxy ed sikato bilang solemnizing officer ed sakey ya kasalan.
Depensa balet na mayor, agto antan agga nayari so proxy no mankasal so mayor.
