DAGUPAN CITY– Maliket so liderato na Philippine National Police (PNP) Region 1, ta anggapoy nikurit ya krimen ed say panaon na election period diad apalabas ya Barangay tan SK eleksyon diad interon rehiyon.
Saya so akabatan ed kinen Police Chief Supt. Romulo Sapitula, Regional Director na Police Regional Office 1, diad eksklusibon impituyaw na Bombo Radyo Dagupan.
Inkuwanton ,nagmaliw ya marakep tan generally peaceful so eleksyon ta anggapo anggan sakey ya pulitiko ya kaiba ed Barangay tan Sk elections so asangkot diad krimen o pateyan.
Say katuwaan tonya onong ed si Sapitula, saya la so sangkarakepan ya eleksyon ya naimatunan tonya.
Kaleganan tonya, plano dan usaren lamet ed say unsublay ya eleksyon so impatonton ya security plan ed say apalabas ya May 14 elections.
