DAGUPAN CITY– Indalan ed draw lots so inpanpili na analon kandidato diad pagkapunong barangay diad sakey ya barangay diad baley na Malasique, Pangasinan.
Pinilin chairman na barangay Nalsian Sur si Domingo Eco kasumpalan ya analo diad draw lots kontra ed kinen Armando Ogcuar.
Nantabla ed boton 310 sop duwaran kandidato.
Diad impituyaw na Bombo Radyo Dagupan ed kinen Eco, maliket liket iya ed say inpanalo to.
Kasumpalan na resulta ng bunutan , aga met la sinmakit so linawa na say akalaban ton si Ogcuar.
Diad katuwaan tonya, tampol met iran napasamanuan kayari na drawlots.
Sakey ed saray proyekto na analon punong barangay so pamagawa to na barangay hall no saya so tuluyan ya inmurong ed pwesto.
Akabatan ya inabot ni na protesta so inpanhabol na boto nen Eco kasumpalan ya agga inbilang so boto na sakey ya botante ya agga nipetek so ngaran to diad pansusulatan tonya.
