Parish Pastoral Council for Responsible Voting (PPCRV) na Lingayen-Dagupan Archdiocese, dismayado ed agawan vote buying

DAGUPAN CITY– Malet ya kinondina tan dismayado so Parish Pastoral Council for Responsible Voting (PPCRV) na Lingayen-Dagupan Archdiocese ed saray nikurit ya insidente na vote buying diad kakasumpal ya Barangay tan SK Elections diad luyag na Pangasinan.

Onong ed kinen Fr. Stephen Espinosa, say lider na PPCRV na Lingayen-Dagupan Archdiocese diad eksklusibon impituyaw na Bombo Radyo Dagupan, anggaman sikara so akaawat na report nilira ed saray kaso na vote buying.

Inkuwanton makapaermen ya agga manbabayar iray walad beneg tonya lapud dadaiset labat so nanaaktun ed sayan kaso.

Imporek nen Fr. Espinosa, ya mairap layan naandi lautla no aga mikasakey iray botante piyan saya so labanan.