DAGUPAN CITY– Impalapag na Commission on Elections o COMELEC Pangasinan ya wala nin sansia so nagagawan vote buying diad pigaran lugar ed probinsya.
Diad impituyaw na Bombo Radyo Dagupan ed kinen Atty. Marino Salas, Provincial Election Supervisor na Comelec-Pangasinan kinompirma tonya ya walay nanaawat iran report no iner irereklamo so pigaran kandidato.
Aniya, pigara ed saraya so mansasaliw na boto diad panamegley na paniiter na saray bengat la singa say timba, kaor, noodles tan saray sabon.
Wala met iray maniiter na say libreng tinapay no iner akaiyan diad loob so melag ya papel tan akaimprinta diad so lupa tan ngaran na kandidato.
Saya met so gagaween ed paniiter na itnol tan saray bote na alak no iner antes ya iter so pepeketan da ni lupay kandidato.
Kaleganan tonya, inkuwan nen Salas ya aliwan litrato labat so nakaokolan ya dokumento ipanengnengaya ebidensya.
Nilinew ton nadiskwalipika iray kandidaton naakusaa ya mansasaliw na boto no manfile na petisyon so sakey ya indibidwal ya manrereklamo kontra ed saraya.
