DAGUPAN CITY– Inatey so sakey ya Brgy Kagawad kasumpalan ya pinaltog na riding-in-tandem diad Brgy. Mabalasbalas baley na San Rafael, Bulacan.
Kinabat so biktima ya si Jaime Vasallo, 46 anyos tan residente na abitlan lugar.
Onong ed nalan impormasyon na Bombo Radyo Dagupan akayurong ed bisekleta so biktima diad arap na abong da nen biglan pinmarungtal ed arap to iray suspek ya akalugan na sakey ya motorsiklo tan bengat labat ya inasinggeran ya pinapaltog.
--Ads--
Arekober diad crime scene so apatiran basyo na bala na .45 kalibre.
Akabatan ed imbestigasyon ya umbatik komon ya barangay chairman ed say arapen ya eleksyon so biktima.
