DAGUPAN CITY– Asugatan so sakey ya barangay Kagawad kasumpalan ya sikbaten na sakey ya biin walay diprensya ed isip diad ciudad na San Carlos.
Kinabat so biktima ya si Barangay Kagawad Rolando Ferrer, kwarentay otso anyos, walay asawa tan residente na Barangay Cobol diad abitlan ciudad.
Onong ed say imbestigasyon na saray otoridad, say biktima so miinuman labat nen biglan sinmabi so suspek ya kinabat ya si Raquel Soriano, kwarenta anyos, tan residente ed abitlan lugar.
--Ads--
Say resulta tonya, akagamor na duwaran sikbat diad ulo so biktima ya tampol met ya inawit diad patambalan legan ya tampol met ya naaresto na PNP so suspek.
Beberipikaen na saray otoridad iray impormasyon ya walay diprensya ed isip so suspek.
