DAGUPAN CITY– Manpapabig la natan diad patambalan so sakey ya aktibon Brgy. Kagawad kasumpalan yan pinapaltog legan ya akalugan ed motorsiklo to diad baley na Pozorrubio, Pangasinan.
Kinabat so biktima ya si Brgy. Kagawad Albert Ferrer, 45 anyos, tan residente na Brgy. Dilan.
Umpapaway diad imbistigasyon ya manbabiyahe biktima diad karukuyan na Brgy. Malasin ed abitlan baley sanen saya so amiduwan pinapaltog na saray suspek ya akalugan met ed motorsiklo.
--Ads--
Arekober diad crime scene so 2 empty shell na kalibre 45 baril.
Diad kaplesan, tuloy so imbistigasyon na saray otoridad ed say agawa.
