Dagupan City– patuloy so gagaween ya imbistigasyon na saray otoridad nilira ed duwaran bangkay na lalaki ya nalmo diad Sitio Palatong, Bonuan Boquig ciudad na Dagupan.
Diad ekslusibon impituyaw na Bombo Radyo Dagupan ed kinen Police Chief Inspector Marcus Anod, Deputy Chief of Police na Dagupan City PNP, inkuwanton eksaktong 6:30 karuman na kabuasan nen adeskubre so bangkay di Jeffrey Banaag tan Jay-R Daoana, parehon residente diad abitlan lugar.
Onong ed si Anod, parehon walay kenay bala so nanduruman parte na laman daranya ya sengegan na impatey da.
Base ed palapag na pigaran residenten manaaayam asingger ed akagawaan na insidente, bandad 11:30 nen imbeneg ya laki, akarengel ira na nantotombokan ya putok na paltog balet aanggapo anggan sakey so linman nannengneng.
Kaleganan tonya, nilinew nen Anod ya patuloy so gagaween ya imbestigasyon piyan naantaan so motibo na impamaltog.
