DAGUPAN CITY– Ataktakot ya maong so 15 anyos ya bii kasumpalan ya biktima na inpanabuso tan extortion na sakey ya public school teacher tan asawa to diad ciudad na San Carlos.
Diad esklusibon impituyaw na Bombo Radyo Dagupan, agga apigilan na ina na biktima ya inyamot na NBI Dagupan ed ngaran ya Ana so emosyon to nen istoryaen to so ginawad anak to na saray sanasawan suspek ya kinabat nen NBI Dagupan Chief Rizaldy Jaymalin ya sikara di Maria Louisa Brillantes ya naaresto la tan common law wife na sakey nin suspek ya si Florencio Bagaforo, 50 anyos, maestro na Pangasinan State University (PSU) Bayambang.
Onong ed sayan misis, nen plimiro so agga ni unamin si alyas Ana bangabalet apaamin to la sa nen istoryaen na anak to ya anggano walay regla to so pipilitin iyan abusuen na suspek tan ipapasubo diad sikato so kayaryan tonya.
Diad kaplesan, inkuwan na sayan misis ya mabetbet ya natutulala so anak to tan diad labi narerengel to eyan uniiyag tan mikakasin ibabaga ton duga la tan andi la.
