DAGUPAN CITY– Impalapag nen Magdalo Partylist Rep. Gary Alejano ya anggapoy marakep ya naiter na inpandeklara na Martial law diad Mindanao.
Diad ekslusibon impituyaw na Bombo Radyo Dagupan ed kinen Alejano, impalapag ton singa mas linmoor ni gulo diad abitlan lugar kasumpalan na impangideklara nen president Rodrigo Duterte na martial law.
Manisiya iyan nasumpal so krisis o gulo diad Marawi City anggano ag iya ideklara.
--Ads--
Nilinew to met ya aliwan saray rebelde no ag saray ordinaryon totoo so tatakuten na abitlan Martial law.
Kaleganan tonya, nilinew tonya ya trabaho na pupulis tan militar so mangerep ed saray terorista.
Sikara so inkuwanton ebat piyan nagamuran so kawayangan diad Mindanao tan aliwan say deklarasyon na asalitan martial law.
