DAGUPAN CITY– Nantibokel la so kapulisan na Special Investigation Task Group o SITG ya mantutok ed inpanpatey ed pari ya si father Marcelito Paez ya pinaltog diad Jaen Nueva Ecija.
Nanpasiguro so PNP ya mantrabaho 24-7 piyan tampol ya naresolba so inpanpatey ed pari ya pinaltog na saray agga kabat ya suspek legan ya akalugan diad luluganan to.
Ingangan met nen PNP Director General Ronald “Bato” dela Rosa so pantutok diad kaso piyan naitdan na hustisya so abitlan pari.
No nanonotan, tinumbok so luluganan ng biktima na apatiran lalaki lugan na duwaran motorsiklo insan iya pinapaltog.
Asabian na saray nanresponding pulis so luluganan nen Paez ya atartar na siyamiran bala.
Arekober met na pulisya iray basyo na bala ng kalibre .45 ya paltog.
Si Paez so nanlapud Diocese na San Jose City Nueva Ecija tan coordinator na Rural Missionaries of the Philippines diad Central Luzon.
