DAGUPAN CITY – Sugatan so anemiran totoo kabiangan so sakey ya pulis ed agawan inpanpaltog diad Sto Domingo, Nueva Ecija.
Onong ed impormasyon, lugan na pick up so mankakanayon ya sikara di Pedro Delfin, Reymundo Delfin, Reynold Hernandez , Erick Pardo tan PO3 Cristopher Delfin nen sikaray paltugen na saray suspek ya lugan na duwaran SUV.
Pasempet la ray biktima nanlapud bulangan nen agawa so insedente.
Lapud say inpanpaltog, asugatan so apatiran lugan na pick up kaiba so asalitan pulis.
Likod ed sikara so naknay bala met iray bystander ya sikara di Rommel Ignacio tan John Marquez.
Dakel ya anggulo so tututukan ed insedente kaiba la so pagmaliw ya operatiba nen Delfin.
Wala met la ray insumitin ngaran so abitlan pulis ya posiblen nangawa ed say kremin bangbalet agto impalapag ed publiko pian agga makaapekto ed gagaween ya imbestigasyon.
