DAGUPAN CITY– Impalapag na Northern Luzon Command o NoLCom ya babantayan da iray proyekto na gobyerno partikular iray irigasyon lapud banta na New People’s Army o NPA.
Onong ed kinen Lt. Col. Inigo Orozco, intel tan operations officer na 3rd infantry mechanize batallion ya akabase diad ciudad na Tarlac ya sikara met so akanbenben na pigaran kampo diad Probinsiya, pigaran proyekto na gobyerno so babantayan da lautla la say irigasyon lapud sa banta na New People’s Army o NPA.
Kabiangan ed say babantayan da so Balog Balog Dam diad Tarlac City no iner nantibokel ira na Security committee kaiba ray pupulis, project managers tan mismon saray empleado na National Irrigation Administation o NIA piyan mas napakasil so security measures na abitlan proyekto.
Manpapatrolya met ira ed bisinidad na proyekto ya kabiangan na security enhancement na abitlan proyekto.
Impalapag ton pinmasilong so abitlan unit diad rehearsals ed say nayarin nagawa diad lokasyon na proyekto piyan napansansia so uksoy diad asalitan lugar.
