DAGUPAN CITY– Napapagaan so pigaran Pinoy ya kaplesan ya wala ed Riyadh, Saudi Arabia ya nayarin naulit so pangipatikyab na missiles na saray rebeldeng Houthi na Yemen diad Riyadh.
Diad eksklusibon impituyaw na Bombo Radyo Dagupan ed kinen Eng. Petronilo Figueroa, Pres. na Alpha Phi Omega Riyadh Alumni Association, makapataktakot so unyan ginawa na Houthi rebels ta pigaran lan beses so ipangipatikyab da na missile tan saya so plimiron pankanawnawa ya asingsingger so imbolos dan missile.
Agda met kono iilaloan ya unya la manaya so kasil na rebelden Houthi tan antokaman ya oras so nayari ran unatake ta no agawaan da natan nayarin saya so naulit.
Impasiguro to met ya normal ni sitwasyon diman natan kasumpalan na abitlan insabog asingger diad Riyadh airport ta agga met grabe so agawa tan saya so manilalon ag ira papaulyanan na gobyerno na Saudi Arabia.
