DAGUPAN CITY– Aanapen natan so sakey ya pulis ya aka absent without leave o (AWOL) status kasumpalan iyan manholdap na gasolinaan diad Barangay Dampol 1st ed baley na Pulilan, Bulacan.
Kinabat so suspek ya si SPO1 Crispin Tecson ya datin akadestino diad baley na Apalit, Pampanga kaleganan ya kakabaten ni so sakey tonyan kaiba.
Onong ed impormasyon akalugan diad motorsiklo iray suspek nen samay sakey so akiistoryaan ed samay sakey ya gasoline attendant legan ya si SPO1 Tecson ya armado na paltog so linmad kahera ya si Arabella Angeles tan nandeklara na holdap.
Inala na tandem hol¬daper so 9,000 cash ya nalmuan na gasolinaan insan tinmakas.
Base nid footages na CCTV camera na gasolinaan kinabat so sakey ed saray suspek ya si SPO1 Tecson ya ibabagan walay akabinbin met ya kaso na inpanholdap diad arum ya gasolinaan ed baley na Calumpit.
