DAGUPAN CITY – Impalapag nen National Security Adviser Hermogenes Esperon Jr., ya nepeg ya mansansia ni martial law diad parte na Mindanao lapud posibleng ikiwala na sympathetic attacks kontrad tropa na gobyerno.
Diad eksklusibon impituyaw na Bombo Radyo Dagupan ed kinen Esperon Jr., inkuwanton nakaokolan nin sansia so Martial Law diad Mindanao lapud posibleng sympathetic attacks o pan-atake na saray terorista diad arum ya lugar ed abitlan rehiyon.
Inkuwanton, nakaokolan nin eletan so panbantay diad abitlan parte na bansa lapud wadman so nanduruman grupo singa say Abu Sayyaf.
Imbes konon takutan so martial law, nakaokolan ya mas labayen iya piyan naerel iray Maute, Abu Sayyaf tan arum niran teroristan grupo.
Immunad saya, imbaga nen Armed Forces of the Philippines Public Affairs Office chief Col. Edgard Arevalo ya nakaokolan ya malet ya aralen no kanepegan ya babawien so deklarasyon na Batas Militar diad interon Mindanao lapud posibilidad ya panbawi o nawalaan na sympathetic attacks kontra ed saray tropa na gobyerno.
