DAGUPAN CITY-Singa la ghost town la natan so pigaran parte na Florida diad Amerika lapud epekto na hurricane Irma.

Inpalapag diad Bombo Radyo Dagupan nen Mrs. Elisa Simmons manlapud Florida sakey ya licensed radio operator diman ya makasengeg ed say bagyo et ngalngalin anggapo lay totoon nanenengneng diman natan.

Papadisiran ya 1.5 milyon ya residente so apilitan ya inmalis lapud makapoy ya panaon.

--Ads--

Likod ed saya, mipara metlad sakey ya kailogan ta puro danum la so nanenengneng diad lugar lapud delap.

Anggapo met la so serbisyo ya singa say transportasyon , kuryente , grocery store tan arum nira.

Diad biek tonya, patuloy so gagaween dan pitutuyaw ed saray kapara dan Pilipino piyan nasiguro so kaligtasan na balang sakey.