DAGUPAN CITY– Bilang pikakasakey ed pangontrad say kurang na administrasyong Duterte ed say nagagawan pateyan diad bansa nilirad illegal na droga , manpatanol na kampana so Lingayen Dagupan Archdiocese kabansag na pandasal.
Say abitlan panpatanol na kampana ya umbayag diad loob na 15 minuto so igapo naani alas-otso na sayan labi tan saya so gaween anggad Nobyembre 27 kabansag na pistay Virgen de la Medalla Milagrosa.
Say abitlang kurang na simbaan so paraan da piyan bangunen so baley ya agla marunong ya makiramay ed saray ulila, alingwanan da lay miramay tan antakot ya labanan so kaugsan. Say tanol na kampana so sakey ya pantawag ya tundaan lay pangyabuloy ed nagagawan pateyan.
Walay koneksyon toyad pinakasil ya kampanya na pupulis no iner masolok ya 80 la so inatey nen imbeneg ya simba diad One time Big Time Operation na kapulisan ed saray sangkot diad droga ed pigaran lugar diad bansa.
