DAGUPAN CITY– Agga natalusan angga nid natan nen datin Lingayen-Dagupan Archbishop Oscar Cruz so itutulak nen House Speaker Pantaleon Alvarez ya parukuyen anggad limay taon so pandeklara na Martial Law.
Diad impituyaw na Bombo Radyo Dagupan, impalapag nen Cruz ya agto natalusan so Speaker of the House nilirad saray ibabaga to tan gagaween ton singa mairap nagawa.
No nanonotan, labay nen Alvarez ya kerewen diad Kongreso ya parukuyen na limay taon so martial law diad interon Mindanao.
--Ads--
Saya et pian naitdan na mas andukoy ya panaon si presidente Rodrigo Duterte ya naerep so terorismo diad rehiyon.
Impaliwawa nen Alvarez, ya masyadon antikey so duwara o limay bulan piyan naupot iray terorista diad Mindanao.
