DAGUPAN CITY—Inatey so san-ama legan ya kritikal so sakey ni kasumpalan so pan-amok na ama da legan ya sikara et akaugep ed abong da dyad barangay Bacundao, Malasiqui, Pangasinan.
Manpalbangon kalabyan nen sikbaten na suspek ya si Rolly Dacasin, iray anak to ya naugep ed saman ya sikada di Jemel Mark tan Arjay Dacasin.
Ginamit na suspek so barang unpyan sikbaten tonya so dwaran anak to balet abano na kambal to so suspek kanyan akabatik so anak ton si Jemel ya manpapaabig nid ospital lapud sugat tod laman.
Akakerew ni ya ya tulong ed kaabay dan abung kanyan akatawag iray pulis.
Balet agga ni tinmonda et pangugulo so suspek aggad simmabi ray pulis. Anggaman ontan et ngalngali to ni ran sikbaten kanyan apilitan so pulis ya paltogen ya mamidwa ed pagew na rason ya impatey tonya.
Naantaan na say otoridad na antis ya nagaway pangugulo na suspek et pigaran agew la yan aburido ya posible kuno ya a-depress kasumpalan ya ibatikan na misis tonya.
