DAGUPAN CITY– Nanpasakbay so Employees Compensation Commission regional Office 1 ed saray manpapanggap ya empleyado da tan mankokolekta na kuwarta.
Onong ed kinen Mr. Dexter Dupagan information officer ng ECC regional Office 1, ag nepeg ya panisiaan iray manpapakabat ya empleyado na ECC.
Inistorya tonya so inkagawa diad luyag na Ilocos Norte no iner say biktima ya man ngaran na Lolita Bautista sakey ya retired school teacher so akapangiter na ngalngalin P10,000 bilang processing fee ed say nanpanggap ya empleyado na ECC piyan naproseso so pension to.
Nanpanengneng ni ya na saray dokumento ya ongoing la so process na benipisyo to. Walad dokumento so kangaranan di Arnold Magpalong, board secretary ng ECC, Leny del Rosario, editor na International Board director, Cecilia Tabandag, chairman of the Board ECC region 1 tan Melisa Bustamante, accountant chief na ECC region 1 tan dakel nira ya ibabagan konektado diad opisina da.
Saya so uusaren na suspek piyan panisiaan na saray biktima.
Imbaga nen Dupagan anggapo so siopaman ya initdan da na otorisasyon manlapud opisina ya manproseso na antokaman ya benipisyo ta say SSS o GSIS labat nepeg ya mangfile na awaten ya benipisyo.
Inyarum toninya ya duwara labat iran empleyado diad ECC region 1- say information officer tan administrative officer.
