DAGUPAN CITY—Sinaksak ed arapan mismoy misis to so sakey mister na say akakulkolan to ed baley ya Bani, Pangasinan.
Kinabat so biktima na si Resty Caacbay, 30, residente na barangay Arwas ed abitlan baley.
Akabatan ya pasempet la so biktima kaiba so misis ton nia na si Ma. Theresa Caacbay nanlapod abong ya ayro to nen apadalan ira ed petek na abong na say suspek na si Marvin Consolacion, 30.
--Ads--
Nankulkol iran dua kanian inmawat met so akulaw na say biktima.
Mangbalet abigla so san asawa nen sinmugod so suspek awit la so panaksak tan diman la sinaksak ed laman to so laki.
Inbatik na misis ed ospital so say asugatan ya asawa ton nia legan na tinmakas so say suspek.
