DAGUPAN CITY-Nalmod irigasyon so bangkay na 8 anyos ya ogaw ya imbatik tan inabuso na katiwala na pamilya da diad baley na Jaen, Nueva Ecija .
Positibon kinabat so biktima ya si Cristine Claire Medina 8 anyos ya ngalngalin agla nabirbir lapud inpakatalem tod danum diad irigasyon no iner imbantak na suspek ya si Lary Herrera.
Miyerkules nen imbeneg ya simba nen sikatoy sampot ya anengneng na saray ateng to kayarin inpatnubang iya na driber dad eskuwelaan to.
Bangbalet onong ed saray maestra tan klasmeyt tonya so aga dinmago so biktima.
Onong met ed pigaran witness, inabet iya na sakeya ya laki ya akabisikleta ya kinabat ya si Herrera ya katiwala na pamilya Medina.
Narel so suspek diad ginawan entrapment operation diad sakey ya pier no iner unsempet met la komon diad Palawan ta piyan natakasan so ginawa ton krimen.
Diad say istorya balet na suspek inawit to so biktima diad sementeryo diad baley na Jaen tan diman tonya inabuso. Inawit to iya diad sakey ya kubo insan to diman pinatey so ogaw ya inusaran tonya na alambre.
Say suspek so walay aarapen tonyan kason kidnapping, rape tan homicide .
