DAGUPAN CITY – Arestado ang 3 drug personalities sa bayan ng Malasiqui kung saan nagsagawa ng buy bust operation ang PDEA Pangasinan.
Ayon kay Rechie Camacho Provincial Officer, PDEA Pangasinan nasa 100 gramo ng ilegal na droga ang nakumpiska na tinatayang nasa P680,000 ang katumbas na halaga.
Base sa isinagawang imbestigasyon ay magkakasama ang tatlo sa nasabing ilegal na gawain at sabay-sabay din ang mga ito na naaresto.
Ito ay naisagawa matapos magpanggap na pusher buyer ang isa nilang tauhan katulong din ng confidential informat kaya’t naging matagumpay ang operasyon.
Napag-alaman din na ang main target ay nakulong na noon dahil sa parehong kaso at isa ito sa maituturing na pinakamalaking source ng ilegal na droga sa lalawigan.
Samantala, hindi muna pinangalanan ang mga suspek dahil ongoing pa ang imbestigasyon kaugnay sa kung sino-sino pa ang mga may kinalaman at kasabwat dito.
Umaasa naman si Camacho na magkakaroon pa ng series ng anti-illegal drugs operation sa Pangasinan at panawagan naman nito sa publiko na dapat ay magtulungan upang maipalayo lalo na ang mga kabataan sa epekto ng ilegal na droga.
