Inatey so sakey ya laki kasumpalan ya nalener ed dilog diad baley na Mangatarem, Pangasinan.
Kinabat so biktima ya si Rejino Pajaras, 57 anyos tan residente na Brgy. Pacalat diad abitlan baley.
Diad imbestigasyon na kapulisan, nanpatanir so biktima piyan mangala komon na sira diad Pacalat River bangbalet agla akasempet diad abong da.
--Ads--
Tampol ya nangawa na Search and Rescue operation iray otoridad piyan naanap so biktima.
Bangbalet, pigaray oras so linmabas, nalmuan so laman to diad dalem na ilog tan wala lad state of decomposition.
Akagetar ya ipasilong diad post mortem examination so bangkay na biktima.
