DAGUPAN CITY- Makakakuha ng pagkakataong magtrabaho sa lokal na pamahalaan sa ilalim ng Special Program for the Employment of Students (SPES) ang nasa
Limampung (50) estudyante sa lungsod ng Dagupan.
Ang programa ay inilunsad kasama ang Department of Labor and Employment (DOLE) at Public Employment Service Office (PESO) Dagupan.
idedeploy ang mga estudyante sa iba’t ibang opisina ng lungsod para makakuha ng karanasan sa trabaho sa loob ng dalawampung (20) araw.
Ang programa ay iniuugnay sa #SummerJob na inaalok ng lokal na pamahalaan, na nagbibigay-daan sa mga estudyante na makakuha ng kanilang unang karanasan sa trabaho habang nag-aaral pa.
Ito rin ay makakatulong sa kanilang mga gastusin sa pag-aaral sa darating na semestre.
Bawat SPES beneficiary ay makakatanggap ng kabuuang ₱12,142 na sahod. Ang ₱7,285 (60%) nito ay galing sa lokal na pamahalaan ng Dagupan, habang ang ₱4,857 (40%) ay mula sa DOLE.
Makakatulong ang halagang ito sa mga estudyante para sa kanilang mga gastusin tulad ng bayad sa paaralan, mga gamit sa pag-aaral, at iba pang pangangailangan.
Samantala, tinitiyak ng mga ahensya na maayos at organisado ang pag-deploy ng mga estudyante sa mga opisina upang makatanggap sila ng tamang pagtuturo at karanasan sa trabaho.
Layunin ng SPES na tulungan ang mga estudyanteng nangangailangan na makapagtrabaho sa panahon ng bakasyon, makakuha ng karanasan sa mundo ng trabaho, at makapag-ipon para sa kanilang pag-aaral
Bukod pa rito, natututo rin ang mga estudyante ng mga mahahalagang kasanayan sa trabaho na makakatulong sa kanila sa hinaharap.
