DAGUPAN CITY-Sugatan so limaran totoo legan ya maswerten agga asakitan so sanina diad karambola na taloran luluganan diad Mapandan Pangasinan.
Diad nalan impormasyon na Bombo Radyo Dagupan, nabanggaan so tricycle ya mamanihuen nen Rommel Escorio, tan duwaran motorsiklo ya imamaneho di Mark Oliver Manala 16 anyos tan Lloyd Ora 25 anyos diad parte na Brgy Torres.
Lapud saya, asugatan diad nanduruman parte na laman da ray biktima ya sikara di Escorio tan Ora untan met saray pasahero na tricycle ya sikara di Jaja Mogan 14 anyos, Mark Angel Bergonia 16 anyos tan backride ya si Dindo Castillo 21 anyos.
Maswerte met ya agga akagamor na sugat so driver ya si Manala tan arum nin pasahero na tricycle ya kinabat ya sikara di Karyle Kate Cabaña 18 anyos tan anak ton si Daniel Shawn Arkin Escoro, duway taon.
Tuloy tuloy so imbestigasyon na kapulisan diad abitlan insedente.
