DAGUPAN CITY– Naarap natan ed kason parricide tan frustrated parricide so sakey ya misis kasumpalan ya gergeren so beklew tan saksaken so limay bolan ya anak to tan sakey nin anak to diad Brgy. Sabang, Dasmariñas City, Cavite.
Tampol ya inatey si Christina Daniella Lazo, lapud agamuran ton laslas diad beklew tan saksak diad nanduruman parte na lamab to.
Patuloy nin tatambalen balet diad University Medical Center (UMC) ed Dasmariñas City so sakey nin agi to ya si Jheicelle Soberano, 11-anyos, Grade 5 pupil.
Tampol ya naaresto na saray otoridad so suspek ya si Celeflor Luib, 32 anyos kasumpalan ya i-report na ina ng suspek diad saray pupulis so agawan krimen.
Onong ed nalan impormasyon na Bombo Radyo Dagupan, malet ya nanaugip so sanagi nen biglan ginerger na ina so beklew na ogaw tan sinasaksak pati say pangluwan ton anak.
Nen sinmabi iray pupulis so nabutan da ni Luib ya manlalaslaas met na say lima , beklew tan ulpo to .
Papanisiaan ya walay problema na abitlan misis kanyan agawaan to so krimen.
Akagetar ya iiksamin na saray doktor piyan naantaan no walay deprensiya toya ed kanonotan.
