DAGUPAN CITY– Sakey agew antes na agew na puso nabuas, Pebrero 14, walay kanya kanyan gimik o pakulo iray makangawa na hotel, motel tan saray inn diad ciudad na Dagupan pian makapan tangguyor na saray kliyente.
“Bagsak-presyo” so pantatangguyor na sakey ya inn diad ciudad parad saray couples ya umbisita diad sikara.
Onong ed kinen Joel Cebid, cashier na sakey ya inn, wala may mga inihanda silang papromo .
Saray VIP rooms so air conditioned tan wala ray discounted promos ya unaabot anggad 20 porsyento.
No diad regular ya agew, say VIP room da so mankantidad na 300 pesos balet nabuwas 240 pesos labat la.
Legan ya say regular room ya mankantidad na 250 pesos so magmaliw ya 200 pesos labat la nabuas.
Nayari met ya manpa-extend na oras parad saray mangala na short-time stay ya nabitin ed mamuran kantidad ya 50 pesos anggad 70 pesos depende ed klase na kuwarto.
Anggaman agga libre so condom, impasiguro nen Cebid ya walay suston suplay na condom ya nasaliw diad inn da nabuas.
Kinompirma to met ya tinaon ya dake-rakel so bisita da kada Valentine’s Day bangbalet maslak short-time stay labat ira.
