4 Managsigay, inaresto lapud inpanusar na compressor

DAGUPAN CITY– Inaresto so apatiran managsigay ya naaktuan ya nanusar na isesebel ya compressor diad baley na Anda, Pangasinan.

Kinabat iray suspek ya sikara di Alfredo Laurente, 44 anyos, Eladio Gualberto, 47 anyos, Rodolfo Rique, 47 anyos tan Raniel Caasi, walad suston edad tan residente na baley na Anda.

Saray suspek so naaktuan na Bantay Dagat ya mangagawa na illegal na pansisigay diad Barangay Tondol diad panamegley na ipanusar na compressor.

Akumpiska ed sikara so sakey ya compresor tan limaran kilon sira.

Diad natan, saray suspek so wala la ed kustodiya na saray otoridad tan panbabayaren na multa.

Say pansigay ya usaran na compressor so malet ya isesebel ta makalanor say peligron nayarin eter tonya.