DAGUPAN CITY– Inatey so 4 -anyos ya ogaw ya bii kasumpalan ya nalner diad ilog ed Nancamaliran East, Urdaneta City.
Kinabat so biktima ya si Trishia May Calacsan , residente na abitlan lugar.
Onong diad impormasyon, agga naimano na saray ateng na biktima ya saya so nababalang kanyan wala lad kaunuran nen naantaan dan anggapod loob na abong da so ogaw.
--Ads--
Lapud saya, nanpatulong irad kakaabay da piyan mananap ed say anak da balet adeskubre so bangkay tonya diad ilog asingger diad abong da.
Akabatan ya makakaliknay late development tan mankaokolan na espesyal ya atensyon so abitlan biktima.
