DAGUPAN CITY– Akapangikurit la na 20 kaso na papanisiaan ya Japanese Encephalitis diad luyag na Pangasinan.
Lapud saya, malet so monitoring ya gagaween na Provincial Health Office (PHO) kasumpalan ya anengnengan na sintomas na sayan sakit so 20 Pangasinense.
Diad kaplesan aka-confine lad Baguio General Hospital tan Ilocos Training and Regional Center iray mansasakit.
--Ads--
Onong ed Provincial Health Office o PHO, akaawat ira na diektiba manlalapud Department of Health o DOH ya nakaokolan ya itday imano so amin ya pakanengnengan na sintomas na abitlan sakit.
Akabatan ya kaslakan na saray iinapen ya Japanese Encephalitis so walaan na travel history kanyan puspusan so gagaween ya monitoring na Department of Health ed saranya.
