Natagpuang nakabigti sa puno ng sampalok at wala ng buhay ang isang 29 anyos na lalaki sa Sitio Lincupan, Brgy. Bantog sa bayan ng San Quintin, Pangasinan.
Ayon kay PCpt. Ramsey Ganaban – OIC San Quintin PS, ang biktima na kinilalang si Mark Castro ay natagpuan ng isang hindi na muna pinangalanang witness.
Batay sa postmortem examination sa bangkay, walang nakikitang foul play sa insidente at ang pagbibigti ang siyang dahilan ng pagkamatay ni Castro.
Ayon sa hepe, hindi isinasantabi ang motibo ng biktima sa pagkitil sa sariling buhay ang hindi pagkakaunawaan sa kaniyang kalive-in partner.
Sa ngayon, ito ang unang insidente ng suicide na naitala sa bayan mula noong Enero 2021 hanggang sa kasalukuyan.
Pahayag ng hepe na dumarami ang insidente ng suicide dahil sa problema sa pamilya kung kayat dagdag na mensahe ng hepe na tibayan ang kalooban at huwag mawalan ng pag-asa sa buhay.
