Dagupan City – Naaresto sa bayan ng Sta. Maria ang isang babae na nasa 25-anyos na itinuturing na High-Value Individual dahil sa pagkakasangkot sa illegal na droga.
Ito ay matapos ikasa ang isang buy bust operation sa Zone 3 Barangay San Vicente sa nasabing bayan sa pamamagitan ng pinagsamang pwersa ng Regional Police Drug Enforcement Unit 1 (RPDEU 1), Regional Intelligence Division ng Police Regional Office 1(RID PRO1), Philippine Drug Enforcement Group- Special Operations Unit 1 (PDEG-SOU1), at Philippine Drug Enforcement Agency o PDEA Pangasinan.
Kinilala ang suspek bilang si alyas “Gracia,”, walang trabaho, at residente sa bayan ng Tayug kung saan nahuli ito sa kanyang inuupahang apartment sa bayan ng Asingan.
Nakumpiska dito ang nasa 100 gramo ng hinihinalang shabu na nasa loob ng anim na plastic sachet na may tinatayang halaga na ₱680,000.00.
Samantala, nakatakas naman ang kasamahan nito na isang lalaki na residente sa Makati City na napag-alamang parehong nakatira sa iisang apartment.
Mahaharap ito sa kasong paglabag sa RA. 9165 o ang comprehensive dangerous drugs act of 2002.
Kasalukuyan itong nakapiit sa pasilidad ng mga otoridad at sasailalim sa kaukulang proseso ng batas habang mananagot sa nagawa nitong paglabag.
