DAGUPAN CITY– Iilaluan la na Manaoag PNP ya masolok 1 milyon deboto so unlad Minore Basilica of Our Lady of Manaoag ed sayay panaon na kuwaresma.
Onong ed kinen PCI Dave Mahilum, hepe na Manaoag PNP, unya met la so bilang daray linman debotong katoliko diad abitlan simbaan bilang parte na pamamanata kada unsasabi panaon na kuwaresma.
Diad katuwaan tonya, naiirapan iray pupulis ya padisiran so bilang daray uunlaad simbaan ta dire-diretson mansasbi iray bisita diman pian mandasal.
--Ads--
Aliwa labat lan saray deboto ya manlalapud Pangasinan so uunlad diman pati saray manlalapud Nueva Ecija, Zambales, Tarlac, Baguio tan Manila.
Wala met niray manlalapud Visayas tan Mindanao.
